Aftursvar til Heðin Mortensen

Heðin Mortensen hevur í lesarabrævi í Dimmu 15.juli at mær, tí eg loyvi mær at undrast yvir tær raðfestingar, sum Tórshavnar Býrað ger á listaøkinum. Sum eg nevndi í grein herfyri, so haldi eg tað vera sera positivt, at Tórshavnar Býrað stuðlar list so breitt og t.d. hevur fleiri framsýningarhøli. Takk fyri tað. Men eg haldi tað vera undrunarverdar avgerðir, sum vera tiknar, sum ikki stuðla dygdarlist. Í greinini nevndi eg, at “listarligu raðfestingarnar, ið verða framdar í løtuni bæði hjá landi og býi eru stak undrunarverdar og tað er óansæð um talan er um stórar ella smáar lutir, um nýggjar standmyndir, drottningagávur, glaslist til Elton John; hetta hevur alt ov stóran týdning fyri okkara lítla land til at satsað verður uppá vánalist og ítriv, hvussu vælmeinandi og væl evnað hon enn er.” Hesi undran standi eg við, og ætlandi fer hvørki borgarstjórin ella nakar annar at megna at steðga mær at ummæla, at finnast at og at undrast.

(KP)

lesarabrævið hjá Heðini kann lesast her:
http://www.hedinmortensen.com/news_stor.asp?id=990