Flýggið til listina

Tankin um at emigrera til eitt nýtt og ókent land kemur onkuntíð. Tað er ikki so nógv stúranin um ógvuslig mál sum kríggj og jarðskjálvtar úti í heimi, sum tað snýr seg um, men meira gerandistunglyndi um ta heimligu elendigheitina. Politisk óryggiligheit, mentanarlig armóð og vanligur býttiskapur - sum man jú til alla eydnu ikki sjálv er rakt av. Tað er ørkymlan yvir kjak, sum koyra í ring, vantandi tol í mun til lovaðar ábøtur og so yvirflóðin av tómum orðum. Men ein samanseting av leti og veruleikaansi forðar mær í at gera nakað. Samfelagsandstygdin plagar at hvørva av sær sjálvum eftir nakrir dagar og eg veit heldur ikki hvagar eg skuldi flýggja. Men meðan tað stendur uppá og álitið á samfelagnum er í botni, er eingin betri fyribils flýggjanarvegur enn hann, sum gongur inn í listina.

Fyri at finna list, ið er mest effektiv til endamálið fari eg at skjóta upp, at man ikki leitar í samtíðarlistini. Samtíðarlistin er fantastisk, men hevur ikki sum fremstamál at fáa okkum út á eitt eskapistiskt síðuspor. samtíðarlistin verður mest mett í mun til um hon er ørkymlandi, avbjóðandi og akutt og avgjørt ikki út frá hennara evnum til at skapa eina rýmingarleið frá gerandisdegnum. Eskapistiska listin hevur í grundini fingið ringt orð á seg sum bíligt undirhald og tað er hon eisini ofta. Tað er sera vanligt, at skemt, kanska serliga speisemi verður nýtt sum eitt slag av eskapismu í samtíðarlistini, eins og spælið við markið millum veruleika og óveruleika ofta kemur  fyri, og tað verður enntá eisini fríggjað til transcendens o.t. í pørtum av samtíðarlistini. Men tann grípandi og forførandi eskapistiska listin er kortini als ikki frammi í løtuni. Tað var hon tíbetur einaferð;

hyggið bara her:

Barocci

 

Velazquez

Rubens

Caravaggio

Rubens

Rubens

Rembrandt

Rembrandt

Vermeer

Caravaggio

Velazquez

Vermeer

Aaaah barokk
(IS)