Í skrivandi stund er klokkan 21.21 og tað er 21.mars sum er altjóða poesi-dagur. Hann kunnu vit ikki lata fara framvið uttan at gera eitt sindur burturúr. Vit hava til høvið funnið eina yrking hjá Gunnari Hoydal, sum eitur SKERMAR og sum stóð í Brá nr 6, 4.árg. 1985. Eg lærdi hana at kenna gjøgnum ta frálíka, huglagsmettaða og melankolska kórverkið, sum Unn Patursson gjørdi til yrkingina fyri nøkrum árum síðani.
Vindurin stendur bláur av fjøllunum,
glitrandi tekin støkka av tromunum,
millum stjørnurnar íseygu
niður í søkt dýpi,
snarljós av upplýsing
beina ræðsluna á nýggjar leiðir,
í hálsinum tosa kervi
við blonkum barkakýlum,
kavin i heilanum legst á allar gáttir
og fýkur gjøgnum fryst lyklarhol.
Tað er í evstu løtu
vit fáa skermar upp fyri.
(KP)
