Mín nýggja Kinabók

Sambært kinesiskari læknafrøði hevur langameridianin orkudominans á morgni og tí skal mann gera alt fyri at behaga tarminum um morgunum, so at orkuskipanum hjá kroppinum verður aktiverað til dagsins virksemi. Eg eri ikki serfrøðingur, men eg haldi ikki, at kinesarar hava hoyrt um HUXA og kenna til tær avbjóðingar, tjúkktarmar her á landi verða útsettir fyri, tá mann sum tað fyrsta lesur yvirskriftina ”Lestrarstuðul koyrir Føroyar á heysin” á portal.fo. Her hjálpa ongar 3000 ára gamlar kinesiskar tjúkktarmsvenjingar, men mann kann royna at taka eina bók og lesa um fjarstødd lond og á tann hátt flýggja inn í listina. Bókin, sum í morgun lá ovast í bunkanum her heima er ein bók um kinesiska samtíðarlist, sum eitur”New China, New Art”

Inntil fyri ikki so nógvum árum síðani var kinesisk samtíðarlist verið hildin at vera antin keramikkur, modernaðar uppdateringar av siðbundnum blekkmálningum ella sosialrealisma í besta propagandastíli, men í dag er Kina av sonnum stigin inn á globala listapallin

”Jeg holder med Kina, Kina skal man ikke grine af”, sungu vit, tá eg var barn og Mao var hot og kinesarar vóru virkuliga fittir, men kinesisk listafólk verða jagstrað av myndugleikunum, atfinningarsamar listarøddir verða sjikaneraðar og tað speglast í listini, sum ofta er ógvuslig og óhugnaliga nærgangandi. Allíkavæl fari eg at halda meg til mína nýggju kinabók í dag og halda meg burtur frá portalinum, og her er ein lítil myndarøð við samtíðarlist til tykkum.

 

Shao Yinong og Mu Chen

 

Li Wei

Yue minjun

 

Zeng Hao

 

 

Yang Maoyuan

 

 

 Xu Bing

 

Zhu Ming

 

 

Zhang Huan

 

Zhang Dali

 

 

Sun Yuan og Peng Yu

 

 

Ai Weiwei

 

 

Sheng Qi

 

 

Lu Shengzhong