Heystið er so herliga mentað og tað er eisini tá, at nógvar av teimum góðu bókunum koma út. Bókadagurin hjá Rithøvundafelag Føroya verður sunnudagin 13.november frá klokkan 14 til 18 í Norðurlandahúsinum. Tiltakið er alment og øll er vælkomin. Skráin er fjølbroytt og áhugaverd, við góðum upprunaføroyskum tilfari, bæði til børn og vaksin. Umframt føroyskar rithøvundar luttaka eisini útlendskir gestir.
Fyrst á skránni er annar gesturin sum greiðir frá um fyrstu bókaútgávuna um dansispøl í Føroyum og aftaná koma dansifeløg at framføra dansispøl. Síðani verður barnabókatiltak, har lisið verður úr teimum nýggjastu føroysku barnabókunum.
Eisini verður áhugaverd samrøða við rithøvundarnar Jóanes Nielsen og Peter Laugesen um teirra samstarv um yrkingasavnið ”Smukke fejltagelser”. Eftir hetta lesa høvundar upp úr teirra nýggjastu verkum. Tey vøkru mistøkini vóru ummæld her á blogginum:
http://listinblog.blogspot.com/2011/08/meistaralig-mistk.html
Kl. 14.00 Forlagið Fróðskapur og dansispøl, Klingran:
Eivind Weihe: Hentzesavn
Andrea Susanne Opielka: Danse og sanglege på Færøerne
Dansifeløgini í Nólsoy, á Sandi og í Vágum framføra dansispøl
Felagsdansur: Fruntatáttur
Kl. 15.00 Barnabókatiltak, Dansistovan:
Rakel Helmsdal : Veiða vind
Oddvør Johansen: Hin klóka æðan
Edvard Fuglø: Vampýrella, Eyð Matras lesur
Helle Thede Johansen: Vinurin
Kl. 15.45 Rithøvundasamrøða, Forhøllin
Jóanes Nielsen og Peter Laugesen um at arbeiða saman og um Smukke fejltagelser
Suni Merkisstein tosar við rithøvundarnar.
Kl. 16.20 Yrkingar, Forhøllin:
Katrin Reinert: Kringvindar
Vagnur Streymoy: 5,8 % av dupultmorali
Oddfríður M. Rasmussen: Blómugrót
Gestaupplesari: Peter Laugesen
Kl. 17.15 Skaldsøgur og stuttsøgur, Forhøllin:
Jóanes Nielsen: Brahmadellarnir
Sólrun Michelsen: Rottan
Firouz Gaini: Horvnir menn
Agnar Artúvertin: Jákup í Gneðra
