Wednesday, July 13, 2011

VENCIL 10. - tveir brellbitar aftrat




Bókmentatíðarritið Vencil 10. er komið og í hesum sambandi hava vit brellbitar á listablogginum. Guðrið Helmsdal Nielsen hevur fýra yrkingar við í nýggja Vencil. Her er ein smakkiroynd.







Skýmingsfuglur

Lýsandi bandið
av bilum
streymar
eftir vegnum

Skýmingsfuglur
á lágum flogi
dregur
skýmingstjaldið fyri


Debutanturin á í tíggjunda Vencli er Tina K. Jakobsen við yrkingini “Sjúkt sinni søkir sálarfrið”.

Sjúkt sinni søkir sálarfrið

Drepandi tøgnin
við svartari tungu
gálvar inneftir
hjartaleyst miskunnsemi
og ongin allastaðni

gongin teskar
tú lurtar og flennir

hvør rennur gangandi
gálvandi, tivandi
sparkar gongina

hon segði tað hart!



(KP)