Saturday, July 23, 2011

Lucian Freud farin


Kendi enski listamaðurin Lucian Freud er deyður 88 ára gamal. Hann var abbasonur Sigmund Freud, føddur í 1922. Hann var portrettmálari og málaði nógvar sjálvsmyndir, eins og hann ofta brúkti vinfólk og familju til at sita model fyri seg. Hansara portrettmyndir eru serligar, ofta tjúkt málaðar lýsingar av menniskjum, sum ikki á nakran hátt verða idealiserað. Í sambandi við portrettmyndir er tað eftirhondini rættiliga klichémerkt at siga, at málarin málar sálina heldur enn útsjóndina á avvarðandi model, men hetta duga í grundini bert nøkur fá listafólk og Sigmund Freud er ein teirra, sum eisini hevur sín heilt egna stíl við myndum, ið tykjast merkiliga óavgreiddar sum t.d. tann óvanliga lýsingin niðri undir av klassiska myndevninum málari og model.

Lucian Freud: Málari og model