Saturday, July 20, 2013

Heiðurskvæði til fábroytnið

Tað er føroyski sjónleikarin Elin Mouritsen, sum hevur einasta leiklutin í modernaða stummfilminum Everyday Song, sum Teitur Lassen presenterar fyri føroyingum í Fjósinum á G! í dag klokkan 16. 

Teitur hevur skrivað søguna og ment konseptið. Tónleikurin er skrivaður av Teiti og Tróndi Bogason. Filmurin er gjørdur av Thomas Koba, sum hevur filmað ymsastaðni í Tórshavn. Í filminum verða gerandisvanar og ting, sum vit gera hvønn dag viðgjørd. Við øðrum orðum ber til at siga, at filmurin heiðrar gerandisdagsins monotoni.





(KP)