Orsøkin er, at rentan er fallin nógv seinnu árini, og vinningurin tessvegna er lægri enn vanligt.
Grunnurin vísir á rentulæðking og inntøkumiss sum orsøk til, at hann hevur avgjørt ikki at taka ímóti umsóknum tey komandi tvey árini. Hetta fyri at tryggja eginognina, og fyri at liva upp til endamálsorðingina hjá grunninum.
Tað var danska stjórnin og landsstýrið, ið stovnaðu danska-føroyska mentanargrunnin í 1951. Endamálið hjá grunninum er at virka til frama fyri “den åndelige forbindelse” millum Føroyar og hinar partarnar av Ríkinum. Tað vil siga, at grunnurin virkar breitt. Øll mentanarlig formidling landanna millum – eisini millum Føroyar og Grønland, er partur av endamálsorðingini.
Ognin hjá Dansk-Færøsk Kulturfond er 5 milliónir krónir, sum aftur verða til taks at søkja hjá lista- og mentanaraktørum í 2016.
(KP)
