Mítt yndislistaverk - ferniseringsmyndir

Í gjár læt framsýningin "Mítt yndislistaverk" upp í Norðurlandahúsinum. Nógv fólk var komið saman at hyggja og at lurta eftir stuttum uppleggum hjá Karini Kjølbro, Ingun í Skrivarastovu, Hans Paula Strøm og Mourits Mohr Joensen, sum øll greiddu frá sínum yndislistaverkum. Framsýningin minnir eitt sindur um eina fortíðar Ólavsøkuframsýning, konseptið er stuttligt, fólksligt og sosialt meira enn tað er listarliga áhugavert - men sosiala síðan av list skal ikki undirmetast og tí er framsýningin og væleydnað. Sjálvandi man tað vera eitt sindur tilvildarligt hvat fólk hava sent inn av yndislistaverkum, men vit kunnu til stuttleika út frá framsýningarúrvalinum staðfesta, at tá tað kemur til myndlist, keypa føroyingar fyri tað mesta føroyskt og at Ingálvur av Reyni er høgt í metum. Tað eru Marius Olsen og Anker Mortensen eisini og tað er ikki so galið. Men her er alt millum himmal og jørð á framsýningini, meistaraverk og kitsch - summi hava valt at senda teirra egnu verk inn og tað er jú herligt við tílíkum sjálvsáliti, má sigast. Her eru nakrar fotomyndir hjá Eiler Fagraklett og Norðurlandahúsinum. 

Eitt fitt gentuportrett hjá Mikines

Fjølbroytt framsýning, hvørs margfeldi verður væl stuðlað av uppheingingini hjá Inger

Ein lítil bóklingur fæst bíliga til keyps við øllum verkunum við grundgevingum frá listaánarunum

Hetta sær áhugavert út - eitt av teimum fáu útlendsku verkunum

Hans Pauli Strøm hugleiðir um eina fína mynd hjá Silju Strøm

Ingun í Skrivarastovu greiðir frá um síni yndislistaverk, sum Anker Mortensen málaði

Yndislistaverkið hjá Karin Kjølbro gjørdi Fridtjof Joensen

Fólk lurta

Í dansistovuni hanga nógvar myndir

Hans Pauli skoðar ta herligu myndina hjá Eiler, og sum Mr.Brainwash hevur gjørt

Áskoðarar diskutera myndir

Sif Gunnarsdóttir, stjóri í Norðurlandahúsinum beyð vælkomin

Mourits Mohr Joensen mælti til at seta listaskúla á stovn

Yndislistaverkið hjá Mourits og Evi Mohr Joensen er ein vøkur kyrrlutamynd hjá Jack Kampmann

Okkurt gott til góman

Tey lurta

Fólk vóru upptikin ikki bara av tí listarliga, men eisini av hvør mundi eiga tey ymisku verkini

Ein listaáskoðari

Úr forhøllini

Verk

Bóklingurin Mítt yndislistaverk

Eiler og hansara yndislistaverk

Karin Kjølbro og hennara Brynhild

Gula myndin tykisst politiskt motiverað, hon eitur Grát mítt elskaða land og Torbjørn Jacobsen málaði hana. Merkisverdu standmyndina gjørdi dóttir Jóhonnu Henriksen, tá hon var fjúrtan ár.

Ta vøkru Frimod-myndina eigur Jóin Sigurðsson

Plakatveggurin er fullur av myndum, er hongur m.a. ein undurvakur málningur hjá Anker Mortensen

(KP)