Saturday, December 1, 2012

Sissal Kampmann heiðrað


Í gjár handaði Det Danske Akademi ársins heiðurslønir. Thomas Boberg fekk ta stóru heiðurslønina ella Akademiets Store Pris, Camilla Christinsen fekk Beatrice heiðurslønina, Klaus Lynggaard fekk Otte Gelsted heiðurslønina, Vígdis Finnbogadóttir fekk Karen Blixen medaljuna og Sissal Kampmann fekk Klaus Rifbergsa debutantheiðursløn. 

Vit eru enn bókmentaliga paff og heilt ómetaliga ernar av føroyska yrkjaranum, sum hevur fingið henda fantastiska stóra heiðurin. Vónbjørt Vang hevur tikið myndirnar og tøkk fái hon fyri tær. Enn einaferð vilja vit gratulera okkara kæra húsyrkjara (sum gjørdi jólakalendarayrkingina í síðsta ár) hjartaliga til lukku, Sissal.









(KP)