Guð við edd
er
linnan, umsorgan
og
eitt handklæði.
Hann turkar varisliga
vátu dagarnar.
Gníggjar teirra váta hár.
Pakkar teir inn í bleytt.
Turkar vatnið og droparnar
av borðunum,
húsunum, neystunum,
orðunum, veggunum,
trøunum,
við nøvnum í børkunum,
djórunum, sum tiva og glepsa.
Av óttanum, av rastloysinum , gráu vegunum,
av fetunum, av okkum, av bláu ballónunum,
hurðaskeltunum, Endastatiónini,
bussunum, hondunum,
av lyktapelunum, innkeypssentrunum,
og av metrotroyttheitini.
Leggur alt saman.
(Hann ger sær ómak.)
Leggur alt
inn í skápið
við lavendelposum
ímillum.
Setur seg í stólin.
Hyggur at
verkinum.
Guð við edd skilur munin
millum
vátt og turt.
(SK)
