Jólakalendarin 2010: Myndir á eini óhildnari framsýning 24

(24)

men hyggur uppá hin inn í garðin, so hvassliga er álit
ein hugklovin gerð ella feigdin í rósuni ið hvussu er
at vilja og fetið ímillum sum doyr, sum doyr

(CJJ)

Jólakalendarin 2010: Myndir á eini óhildnari framsýning 23

(23)

frá telduni og tekur hann í munnin, stuttanev,
eitt bil, óvildrarliga í reyvina um so skal vera,
„fyri okkara skyld“ sigur hon við vertin

(CJJ)

Jólakalendarin 2010: Myndir á eini óhildnari framsýning 22

(22)

millum bróstini kemur tvørfæleys undan
og eyguni beint inn í ljósfangið krá, krá ella
„sárt er ein farri av hvørgum“ vildi hon sagt,
ja, fetið í millum at hon smílkar, at hon fer

(CJJ)

Jólakalendarin 2010: Myndir á eini óhildnari framsýning 21

(21)

menniskjað at bera nakra ógreiðu“
tí í næsta bragdi, í gomlum fjötrum
av skilvísi, slær gellan, miðjusett, beinið yvir
knæið og rundskapið á lærinum og kluftin

(CJJ)

Jólakalendarin 2010: Myndir á eini óhildnari framsýning 20

(20)

av krossfestum hermonnum
hvørjumegin sjónmótið, „so lítið“,
segði hamurin av orminum, „evnar


(CJJ)

Jólakalendarin 2010: Myndir á eini óhildnari framsýning 19

(19)

og nærbreytin sum vit gingu, flatan
á glasinum inn í ein viðvendan samleika
ella blaðið úr dagbókini

(CJJ)

Jólakalendarin 2010: Myndir á eini óhildnari framsýning 18

(18)

sum, lögvíst, hevur lagt seg oman á
skálina við blöðunum av rósum og ekkó
taka grein í garðinum ella fuglarnir
tagna, kløkkir, í minninum (serliga tínum)


(CJJ)

Jólakalendarin 2010: Myndir á eini óhildnari framsýning 17

(17)

sum ein skræðuleysur makrelur
í sjóðheitum smøri ella saltað við tárum
lata vit portrið upp inn í rósugarðin,
enn og aftur at örkymla, gáleys, stövið

(CJJ)

Jólakalendarin 2010: Myndir á eini óhildnari framsýning 16

(16)

ella dylur yvir vitið sum froða av tablettum
yvir sýru í maga, yvir sviða í vælindi ella
er tað viðfangið sum rembist í reivi sínum

(CJJ)

Jólakalendarin 2010: Myndir á eini óhildnari framsýning 15

(15)

tá ið verturin á skíggjanum fintar skepnuna,
sjálvt kravið um eind í tíð og evni
og dárar hin vertin sum javnan liggur á öllum

(CJJ)

Jólakalendarin 2010: Myndir á eini óhildnari framsýning 14

(14)

ella endaleyst sum ein yvirkoyrdur
Hamlet undir börum í eini sending
eitt sunnukvöld um snoðkliptar hundar
við stývdum hala, ja fetið ímillum,

(CJJ)

Jólakalendarin 2010: Myndir á eini óhildnari framsýning 13

III.

(sonata útsett fyri sjónvarp)

(13)

ja, fetið ímillum sum doyði
og andatakið annaðhvørt
endaleyst eins og samfeldi
í söguni av líkindum til líkindi

(CJJ)

Jólakalendarin 2010: Myndir á eini óhildnari framsýning 12

(12)

sum hon tumblar, skólps-kvists-lín, inn um gáttina
og sker, sjálvinnkropin, í flenn, togar
í systrina og rópar og peikar, fetið ímillum sum doyr


(CJJ)

Jólakalendarin 2010: Myndir á eini óhildnari framsýning 11

(11)

ella er tað av hissini tá er tað at fortíðin,
at framtíðin, tað sum hevði verið, um tað
ið fer at vera umskarast sum altíð í somu lötu

(CJJ)

Jólakalendarin 2010: Myndir á eini óhildnari framsýning 10

(10)

eins og ótyrvd avroð í gryvjum, húðin
í blábrigdum og ljósini stillað men kortini svirr
og róp íðan, títt neyt, fá nú av sundi, svörtum
og köldum, fisk eistnalyngs at ýva seg av nýggjum

(CJJ)

Jólakalendarin 2010: Myndir á eini óhildnari framsýning 9

II.

(brot úr Grettissögu)

(9)

ja fetið í millum og strekkurin sum fer
við öskuni kanska av tí sum var ætlað
ella hveppingar sum alda gjøgnum svøvnin
og nektina, opna og avvelta um beinkin


(CJJ)

Jólakalendarin 2010: Myndir á eini óhildnari framsýning 8

(8)

samantikin av nýggjum við afturbrettum
hövdi og eyguni á tambi, kjafturin kringdur
í eitt umskotið ýl men fetið ímillum sum doyr


(CJJ)

Jólakalendarin 2010: Myndir á eini óhildnari framsýning 7

(7)

í gló-gló av likkum spökir fyri tvinning
av mána, av niðurlagstum hjarta,
men kortini amast hon eftir, íðan ert tú


(CJJ)

Jólakalendarin 2010: Myndir á eini óhildnari framsýning 6

(6)

og niður við rygginum, við fjörðin
ið nær sum helst kyknar upp undan
og líðirnar ella sansa tey tað at rutt í svørðin
í brekkur av yvirgivnum tökum


(CJJ)

Jólakalendarin 2010: Myndir á eini óhildnari framsýning 5

(5)

av glasi, av sögn í ójavntbendum
skini, varliga litkað eins og sundurtiknan
vevnað: slintrur, tægrar; hvønn útlim
so av einslistum at rivini loyst

 (CJJ)