Thursday, September 6, 2012

Kirkeby Epifani




Enn ein góð orsøk til at fara ein túr til Keypmannahavnar í heyst er framsýningin við heitinum KIRKEBY EPIFANI í Ny Carlsberg Glyptotek. Hon letur upp í morgin 7.september og fevnir um 25 verk hjá Per Kirkeby, málningar og standmyndir frá 1981 fram til dagin í dag, ið kunnu upplivast saman við permanentu samlingini á Glyptotekinum. Um tað beinleiðis verður talan um eina epifani, sum vit fara at uppliva á framsýningini, skal eg ikki kunna siga. Men eg ivist onga løtu í, at framsýningin er áhugaverd, tí tað plagar Kirkeby at vera í øllum tí, sum hann ger. Framsýningin er opin inntil 30.desember 2012.