Tingvarpið er á skránni hjá mær í dag, tí í dag kemur svarið
upp á fyrispurning frá Gunvør Balle til landstýrismannin í mentamálum um
framtíðina hjá Tjóðpalli Føroya.
24. Tjóðpallur Føroya og komandi Tjóðleikhús
| Spyrjari: | Gunvør Balle |
| Svarari: | Bjørn Kalsø |
| Spurningur: |
Á tingfundi 23. oktober 2012 boðaði formaðurin frá omanfyrinevnda fyrispurningi, sum er soljóðandi:
Viðmerkingar
Tjóðpallur Føroya hevur virkað síðani februar 2005, men enn røkist einki fyri, at umstøðurnar hjá leikhúsinum gerast betri. Við syndarliga herverkinum, ið var framt í hølunum herfyri, er støðan og arbeiðsumstøðurnar hjá Tjóðpallinum snøgt sagt ótólandi.
Ad 1-5:
Har
eru mong viðurskifti, sum als ikki kunnu góðtakast. Manglandi umstøður
at skifta búnar og gera seg kláran til framførslu, manglandi umstøður at
hava matarsteðg í og manglandi wc- og brúsuviðurskifti. Um ein leikur
er settur upp soleiðis, at hann hevur fleiri inngongdir til pallin, muga
leikarar renna útum ígjøgnum eitt runut, vátt tún, á ongan hátt
nøktandi fyri starvsfólk í 2012.
Tórshavnar
Býráð hevur víst Tjóðpallinum stóra vælvild í fleiri ár, men seinastu
árini hevur Tjóðpallurin rindað kommununi 200.000kr í leigu um árið, og
hesin peningur er tí minni til dagliga virksemið.
Tjóðpallinum
tørvar fleiri og betri hølir. Bráðfeingis tørvur er á: Skrivstovum,
verkstøðum til seyming, máling, smíð o.l., skiftirúmum til leikarar við
wc og brúsum, hølum til upphitan og venjing, felagshølum, goymslurúmum.
Sum
er, blíva fólk og ogn hjá Tjóðpallinum flutt runt í húsinum, tá ið
venjingar og sýningar eru, tí at plásstrotið er so stórt. Hetta krevur
tíð, eyka kostnað og arbeiðsorku. Td kundi ein goymsla, ið liggur á
øðrum staði, bøtt munandi um støðuna, so verandi goymsla kundi verðið
nýtt til skiftingarrúm ella annað.
Spurningurin
er, hvørjir møguleikar eru at finna, sum bøta um bráðfeingistørvin hjá
Tjóðpallinum sum eina fyribils loysn, til egin bygningur er bygdur til
tørv og endamál hjá Tjópallinum. Ynskiligt er at fáa at vita, hvussu
myndugleikarnir síggja fyri sær eina loysn í framtíðini fyri
hølismøguleikunum hjá Tjóðpallinum.
Ad.6 og 7:
5
milliónir vórðu settar av á fíggjarlógini í 2011 til at fyrireika
bygging av tjóðleikhúsi, finna hóskandi øki, og at gera skitsu og
detailprosjektera nýggja húsið. Í fíggjarlógini fyri 2012 stendur, at
”funnið er fram til staðsetingina av tjóðleikhúsinum og tingingar eru í
løtuni við Tórshavnar Býráð um, hvussu farast skal fram.”
Í
fíggjarlógaruppskotinum fyri 2013 stendur, at ”farið verður undir at
orða eina byggiskrá í heyst.” Nú fjøllini eru gingin, og heystið tí fer
at halla, er áhugavert at fáa at vita, um byggiskráin er orðað. Eisini
er áhugavert at vita, hvussu tingingarnar við Tórshavnar Kommunu hava
gingist, og hvar staðsetingin av Tjóðleikhúsinum skal vera.
Landsstýrismaðurin
í fíggjarmálum talar støðugt um allan peningin ið er støðlaður á
fíggjarlógini. Tær 5 mió. til Tjóðpallin eru dømi um, at landsstýrið
vegna drál, sjálvt eigur alla ábyrgdina av at peningurin er støðlaður.
Tjóðpallur
Føroya hevur fá ár á baki, tí krevur tað eisini eitt Mentamálaráð og
ein landsstýrismann í mentamálum, sum veruliga vilja berjast fyri, at
honum skal vera lív lagað. Øll framkomin lond við virðing fyri sær
sjálvum og virðing fyri mentanini geva henni rímiligar umstøður at
arbeiða undir. Eg vóni við hesum fyrispurningi at varpa ljós á
umstøðurnar hjá Tjóðpalli Føroya, og at avvarðandi myndugleiki,
landsstýrismaðurin í mentamálum, fer at taka málið upp í størsta álvara,
leiklistini at gagni.
Á tingfundi 24. oktober 2012 varð uttan atkvøðugreiðslu samtykt, at fyrispurningurin skal svarast
|
